.
.
الثلاثاء, 29 يوليو, 2008
مع ان كل الخلق من اصل طيب
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين
عجبى
*****
عجبى عليك ....عجبى عليك يازمن
يابو البدع يا مبكى عينى دما
ازاى انا اختار لروحى طريق
وانا اللى داخل فى الحياة مرغما
عجبى
*****
ياباب ايا مقفول... امتى الدخول
صبرت ياما واللى يصبر ينول
دقيت سنين... والرد يرجع لى :مين؟
لو كنت عارف مين انا... كنت اقول
عجبى
*****
انا شاب لكن عمرى ولا الف عام
وحيد لكن بين ضلوعى زحام
خايف لكن خوفى منى انا
اخرس لكن قلبى مليان كلام
عجبى
*****
قالوا الشقيق بيمص دم الشقيق
والناس ماهياش ناس بحق وحقيق
قلبى رميتة وجيبت غيرة حجر
داب الحجر.... ورجعت قلبى رقيق
عجبى
*****
دخل الربيع يضحك لقانى حزين
ندة الربيع على اسمى لم قلت مين
حط الربيع ازهارة حنبى وراح
وايش تعمل الازهار للميتين
عجبى
*****
نوح راح لحالة والطوفان استمر
مركبنا تايهة لسة مش لاقية بر
اة م الطوفان واهين يابر الامان
ازاى تبان والدنيا مليانة شر
عجبى
*****
ما انتاش بتلعب لية ياروح بابا؟
ولاعسكرى ولا لص فى عصابة؟
العب اسد او ديب رهيب او غزال
دى الدنيا فى نهاية المطاف غابة
عجبى
*****
كيف شفت قلبى والنبى ياطبيب
همد ومات ولا سامع لة دبيب
قاللى لقيتة مختنق بالدموع
ومالوش دوا غير لمسة من ايد حبيب
عجبى
أضف تعليقا
أضف تعليقا
<<الصفحة الرئيسية
.
.
غاليتى ساره....
دائما جميله كلماتك
ورائعه مبدعه انتى
تحياتى لكى
مشكوره اختى على مرورك العطر ...
.....تقبلى مرورى البسيط ....
.........(زهرة الياسمين )..........